एकाच वेळीस मनात भिर भिरणार्या विचारांची वावटळ,
१) जो आला तो आपला
जो गेला तोही आपला
आलेला ही चांगला
गेला तो ही चांगला
२) एक न सुटणारे कोडे
आपले जवळची व्यक्ती गेल्या नंतरही
३० वर्षे त्या व्यक्तीच्या शोकात माणसे
कां रहातात? मान्य आहे शोक करणे,
पण ते वर्तमान पत्रातून जाहीर
करण्याची गरज कां वाटते?
३) तुझ्याकडे आहे तेच माझ्याकडे असावे कां?
ह्या भावनेने माणसा माणसात चुरस लागली
आणि सुखाची व्याख्या स्पर्धेत होऊ लागली.
४) कळणे
मिळणे
जुळणे
हे तीन शब्द माझ्यासाठी
आयुष्याचे सार सांगतात
बघा विचार करून.
५) एक आणखी जीवन सूत्र
उलट म्हंजे सुलट
सुलट म्हणजे उलट
करण्यास जमले तर
दुनिया पालट.
*ह्या वेड्यावाकड्या विचारांचा खचखोळ वेळोवेळी माझ्या वेड्या समाधानाकरिता कागदावर उतरवीत गेलो. ह्या ना कविता, ना लेख,ना गोष्टी, ना बाल गीते,मनी जसे आले, मेंदूला जसे दिसले तसे वहीत उतरविले,हा प्रयत्न कुठल्याही वांग्मय प्रकारात शोधूनही सापडणार ना मोडणार.माझा हा टाईमपास आवडल्यास तुमचा टाईमपास करण्यास वाचावे.ह्यात शोध/बोध् घेण्यासारखे काहीही नाही,काही असले अथवा दिसले तर ते माझे abstract सेल्फ portrait असे समजावे.
