तू आहेस !!!!
तू आहेस तरी कोण?
थोड्यावेळासाठी समजा, मी तुझे अस्तित्व विसरलो,
मग हे विश्वास न बसणारे चमत्कार कोण करतो?
उत्तराची सुई तुझ्या दिशेनेच फिरते.
परवा झालेल्या अहमदाबाद विमान अपघातात
२३०पैकी २२९ मृत होतात आणि एक प्रवासी एवढ्या मोठ्या
अपघातून सहीसलामत वाचतो, नाही तू वाचवतोस? का?
माझ्या बुद्धीस हा तुझा चमत्कारच!!!
काही तरी कारण, जे केवळ तू जाणतोस.
२३० प्रवाशांमधून एक जीव वाचवलास.
चक्रावलेला मेंदू, डोळे मिटून,
हात जोडून स्वगत पुटपुटतो.
विश्वास ठेव, किंवा न ठेवूही शकतोस,
तू आहेस!!!!
"गेले वर्ष भर मी माझ्या ब्लॉग्स चे पुस्तकात रूपांतर करण्यास झटत आहे. होय खऱ्या अर्थाने.वयोपरत्वे शुद्ध लेखन तपासणे माझ्या साठी एक भयानक स्वप्न झाले आहे.
असो.आज वर्षाने ब्लॉग लिहिण्याचा योग आला तो देखीलआला नसता जर
'अगा जे घडलेच नाही' असा प्रकार झाला नसता. नक्की माहित नाही पण असा प्रकार देशात प्रथमच झाला असावा.
नारे होते "वोट चोर गद्दी छोड" "वोट चोर गद्दी छोड". ह्या हुन अधिक लोकशाहीत होणारा अपमान भारताच्या ७६ व्या स्वतंत्र वर्षां मध्ये "ना भूतो ना भविष्यती " होणे नाही पण त्याच बरोबर "निर्लजम सदा सुखी हे जनतेस विसरून चालणार नाही.
आपले राष्ट्रीय ब्रीद वाक्य 'सत्यमेव जयते' बदलण्याची वेळ न येवो हि प्रार्थना.
मी पाहिलंय ते अबोल प्रेम,
ते देखील दुतर्फी,
विचार करा १ नाही तर ५ वर्षे
त्याचे रोज तिच्या बाकावर
नियमितपणे ती यावयाच्या पूर्वीच
हळुवार हाताने पिवळा चाफा ठेवणे,
पाहिलंय मी.
तिला पण पाहिली,
चहूकडे नजर टाकीत स्मित करीत
चाफा वेणीत माळताना,
तो देखील सर्वांच्या नजरा
सम्भाळत तिने बाकावर ठेवलेला
सोनटक्का मुठीत घेऊन वास घेताना
पाहिलंय मी, त्याला
दोघांच्या नजरेतील अबोल प्रेम
ओसंडताना पाहिलंय मी.
५ वर्षे ५ दिवसासारखी सरकली.
शेवटच्या दिवशीची त्यांची मानसिक
ओढाताण पाहवेना मला.
आज चाफा नाही माळला
त्याने देखील सोनटक्का नाही शोधला,
कॉलेज गेट मधून बाहेर पडताना
मान मोडेस्तोवर एकमेकाकडे
वळून,वळून पहात, करुण नजरेने
वेगवेगळ्या वाटेने निघून जाताना,
अबोल प्रेमाचा शेवट झाला.
घेऊन मी हि वळलो माझ्या वाटेवर
कधीतरी चाफा आणि सोनटक्क्यास
प्रेमाचे बोल, सूर सापडतील
हे प्रेमही बोलके होईल.
ऐन तारुण्यात पितृछत्र हरवले,
पितृछत्र म्हणजे काय
याची जाणीव झाली.
रोज दिसणारी व्यक्ती अचानक
कायमच्या सुट्टीवर जाते,
हाक मारणारा आवाज
ऐकूच येत नाही आशीर्वादाचा हात
डोक्यावरून फिरत नाही
गाऱ्हाणे ऐकणारे कान बहिरे होतात
अशाप्रसंगी...हृदयात जपलेल्या
पितृ प्रतिमेशी स्वगत करून
आयुष्याचे गाडे ढकलावे लागते.
आज बघता बघता...
57 वर्षे उलटली.
सोसाट्याचा वारा !!
ताड नाही पडला
माड नाही पडला
नारळ नाही हल्ला...अरेरे
छत्रपतींचा 35 फुटांचा पुतळा
मात्र पाडून गेला,
सुरु झाला कल्ला,
कसा पडला! पडला कसा!
कोण म्हणे वारा कोण म्हणे पाऊस
जनतेस प्रश्न पडला???
नारळ का नाही पडला????
आले मंत्री आले संत्री
बोटे एकमेकाकडे दाखवू लागले,
बनवला कोणी? कोणी? कोणी?
तो कुणाचा कोण? चर्चेला आले उधाण,
याचा मित्र, त्याचा भाऊ, त्याचा नातू,
या गोंधळात,
शिल्पकार फरार, शोधू कोठे?
नौदल, पोलीस चक्रावले,
महाराजांसमोर गुढघे टेकून,
खालच्या मानेने हा मंत्री, तो मंत्री, माफी स्तर सुरु झाले,
झालेला गोंगाट दिल्लीत पोहचला
जनतेचा कैवार मिळवण्यास, धावत आले पंतप्रधान,
महाराजांची लोटांगणा सहित माफी मागितली एक डोळ्याने,
दुसरा डोळा इलेक्शन वर ठेवून.
महाराजांच्या कमजोर पुतळ्या प्रमाणे
तीन पायाचे सरकार पडेल कि काय?
याचे भय वाढू लागले,
तीन दिशेला तिघे गेले,
विरोधकांवर आरोपाच्या फैरी झाडू लागले,
विरोधकांना कारण मिळाले,
जोडा मारो आंदोलन छेडले,
सुज्ञ जनता समजावयाचे ते समजून गेली,
रोज मरे त्याला कोण रडे?
उज्वल भविष्य बेरोजगारी वर जालीम उपाय! कुठल्याही प्रकारचे साईड इफेक्ट्स नाहीत
हा उपाय आता भारतात उपलब्ध!! आपल्या महाराष्ट्राच्या मुख्याना देशाच्या मुख्याने दिलेला कानमंत्र !!!!
बेरोजगारी नाहीशी करणार युवा रक्त आता परदेशाचे गाजर खाणार आपल्या देशाला जर्मन भाषेत राम राम ठोकणार
लग्न संसार आता जर्मनीत. तुम्ही कुठल्याही व्यवसायात असा तुम्हाला महाराष्ट्र सरकार स्वखर्चाने शिक्षण व नोकरी देणार
आता तुम्ही जर्मन होणार. आपल्या राष्ट्राची बेरोजगारी हटवणार.
तरुणांनो विचार करा पक्का. मायबोली,संतवाणी,महापुरुष आता जर्मन होणार,
तुमच्या ललाटावर मोठे भाग्य महाराष्ट्राचे मुख्य व दोन उप लिहिणार.
त्या बदलय्यात जाता जाता मत पेटित गुरु दक्षिणा टाकण्यास विसरू नका. कधी मध्ये आठवण झाली तर येत जा.
कृष्णाय वासूदेवाय
हरये परमात्मने
प्रणतीक्लेश नाषाय
गोविंदाचे नमो नमः
तू आहेस !!!! तू आहेस तरी कोण? थोड्यावेळासाठी समजा, मी तुझे अस्तित्व विसरलो, मग हे विश्वास न बसणारे चमत्कार कोण करतो? उत्तराची सुई तुझ्या द...
