एक शांत तारा

 एक शांत तारा 

दूर आकाशात लुक लुकणारा 

स्वतःशी बोलणारा, हसणारा 

पाहाणाऱ्याला भारावून टाकणारा 

सर्वाहून वेगळा, आपलासा वाटणारा  

एक दिवस 

अचानक नाही दिसला 

आकाशात कोठे लुप्त झाला 

शोधून सापडेना, नजरेने सर्व ढग 

शोधले बाजू केले तरी पठ्ठ्या सापडेना 

कुठे केव्हान कधी निखळला 

कोणास ठाऊक? आता ह्या रिकाम्या 

जागेवर त्याच्या सारखे आगळे वेगळे 

कोण चमकणार ? 

ध्रुव ताऱ्याची जागा देखील अढळ

नाही राहिली का? 

मित्राला शोधायला.

हताश होऊन चंद्र देखील खंगत गेला,

फक्त काळोख उरला. 

आपले देखील असेच आहे.

काहीच शाश्वत नाही .

=======================

*ह्या वेड्यावाकड्या विचारांचा खचखोळ,वेळोवेळी माझ्या वेड्या समाधानाकरिता कागदावर उतरवीत गेलो. ह्या ना कविता, ना लेख,ना गोष्टी, ना बाल गीते,मनी जसे आले, मेंदूला जसे दिसले तसे वहीत उतरविले,हा प्रयत्न कुठल्याही वांग्मय प्रकारात शोधूनही सापडणार ना मोडणार.माझा हा टाईमपास आवडल्यास तुमचा टाईमपास करण्यास वाचावे.ह्यात शोध/बोध् घेण्यासारखे काहीही नाही,काही असले अथवा दिसले तर ते माझे abstract सेल्फ portrait असे समजावे.