जन्मदिवस

माझा वाढदिवस

जगाच्या दृष्टीतून.

पण मनात एक विचार डोकावला

या वयात  कसे काय हो वाढदिवस ?

ह्या पुढे रोज उगवलेला दिवस

हा वाढदिवस न म्हणता

काढ(ला) आणखी एक दिवस

मी आज पासून ठरविले

या पुढील येणारे (आले तर)

वाढ दिवस, मी काढले हो

 दिवस म्हणून साजरे करणार.

यंदा साजरा केला मी माझा जन्म दिवस

कसा?

जसा आलो तसा,

म्हणजे?

केले डोके खाली

केले पाय वर,

बायको ला म्हंटले

मार एक चापट ढुंगणावर’

चापट बसली तसा रडण्याचा सूर काढला

मग जसे केले पाय खाली तसे झाले डोके वर

मनाशी हसत म्हणालो झाला

माझा जन्म दिवस साजरा,

कोणी केला होता का कधी साजरा 

असा आपला जन्म दिवस?