भेळ

भेळ (भेल)
ज्याने ग्रहण केली
तो,ती,ते भेळीचे कायमचे दर्दी झाले
मग ती सुखी असो व ओली,
कोणाकडे ही विचारणा करून पहा,
आवडते का?‘हो’ चा गजर ऐकू येईल.
एक वेळ मिसळ नाकारणारेभेटतील,
पण भेळ नाकारणारा/री/रे  नाही हो भेटणार.
असाच एकदा  भेळीचा आस्वाद घेताना
डोक्यात किडा वळवळला...
भेळ आवडण्याचे कारण काय?
ह्याचे माझ्यापरीने विवरण करण्याचा
मी प्रयत्न केला तेव्हा लक्षात आले
की भेळीतील प्रत्येक जिन्नस
हा आपल्या आयुष्याशी निगडीत आहे
ज्याची चव बहुतानी चाखली आहे.
कसे ते बघा!

चूरमुरे: आयुष्यातील खुमासदार प्रसंग

मिक्स फरसाण: रोजचा दिन क्रम, ट्रेन, बस पकडणे,

तेच तेच चेहरे पाहणे, एकाच प्रकारचे ऑफिस कंटाळवाणे काम.

कांदा: वडीलधार्याचें डोळ्यात पाणी आणणारे बोलणे.

टमाटर: रसरशीत बातम्या.

बटाटा: चांगल्या गोष्टीस पुष्टी मिळणारे प्रसंग

कैरी: चवदार चट पटीत बातम्या. (गोस्सिप्स)

कोथमीर: ताजगी देणाऱ्या घडामोडी.

गोड चिंच चटणी: कानावर येणाऱ्या गोड बातम्या.

तिखट मिरची चटणी: स्वप्नातून जमिनीवर आणणारे प्रसंग

पुरी: ताजे पण घोळलेले प्रसंग.

हे सर्व मिश्रण म्हणजेच आयुष्य.

ह्यातला एखादा जिन्नस कमी जास्त

झाला की जशी भेळीची चव बदलते,

त्याप्रमाणे आयुष्य देखील वेगळे वळण घेते.

पुन्हा जेव्हां भेळ खाल तेव्हां

आयुष्ष्याशी मेळ जमवाल.